A Fundación Santo André de Teixido busca a implicación do Concello de Ourense para a celebración do aniversario de Pelerinaxes
O 4 de xullo de 2017 cúmprense 90 anos dende que Ramón Otero Pedrayo, Vicente Risco e Ben-Cho-Shey iniciaron na cidade de Ourense un camiño cara Teixido, co fin de coñecer a terra máis a fondo. Esta viaxe deu lugar, dous anos despois, ao libro Pelerinaxes I, de Otero Pedrayo, publicado en 1929.
Máis recentemente, o director de cinema Simone Saibene inspirouse nesta mesma obra para o seu documental Pelerinaxes, unha versión actualizada do camiño que os intelectuais galegos fixeran décadas atrás. E sobre o filme, foi publicado un libro-DVD pola Editorial Galaxia, coa colaboración da Asociación Camiño a Santo André de Teixido e da propia Fundación.
Hoxe, a Fundación Santo André de Teixido traballa nunha axenda de eventos que teñen como obxecto conmemorar a efeméride e recuperar o camiño dos galeguistas a Teixido. E este foi un dos motivos polos que o presidente da institución, Ramón Tudela, mantivo unha reunión co alcalde de Ourense, Xesús Vázquez.
No encontro, Tudela avanzou algúns dos eventos que se están a planificar con motivo desta conmemoración, para os que se buscará a colaboración das administracións e todos os axentes implicados e interesados en recuperar a ruta.
A reunión entre Ramón Tudela e Xesús Vázquez tivo lugar no Concello, situado na Praza Maior de Ourense, moi preto da Praza do Ferro, de onde partiron os intelectuais na súa viaxe cara Teixido. E nesta reunión, Ramón Tudela fixo entrega a Xesús Vázquez da Caveira de Honra, que a Fundación outorga a aquelas figuras que contribúen coa súa implicación ao desenvolvemento dos Camiños de Teixido e á dinamización deste lugar.
Hola,
Soy amigo de Simone Saibene, vivo en la ciudad de Quimper hermanada con Ourense. En los meses de Julio y Agosto, organizo la proyección de su pelicula Pelerinaxes en el festival de Cornouaille en Quimper, y en el festival interceltico de Lorient.
En el proximo mes de Mayo, tengo el proyecto de caminar desde la “pointe du Raz”, cabo oeste de Bretaña francesa, siguiendo la costa hasta el puerto de Concarneau, pues navegar de vela hasta A Coruña, y seguir caminando hata san Andres de Teixido. Sigo con mucho gusto las actualidades de vuestra asociación.
Un saludo, hasta luego en San Andres en Mayo.
Jean René Dagouat
jeanrene.dagouat@wanadoo.fr
Muchas gracias por compartir con nosotros tus proyectos. Esperamos con ansia tu llegada ¡Un abrazo y buen camino!